“Më qëlluan me armë zjarri”-  Shkodrani njofton sallën operative, motivet ende të paqarta

Një ngjarje ende e paqartë ka ndodhur në Shkodër, teksa dyshohet për një atentat me armë zjarri të mbetur në tentativë. Policia e Shkodrës deklaron zyrtarisht se mbrëmjen e djeshme, një shtetas ka telefonuar në sallën operative se në vendin e quajtur Stom Golem, Shkodër, ka dëgjuar të shtëna me armë zjarri.

Sipas policisë ai  dyshon se është qëlluar në drejtim të automjetit në pronësi të tij, pa shkaktuar dëme materiale në automjet.

Grupi hetimor, nën drejtimin e Prokurorisë po punon për zbardhjen e rrethanave dhe dokumentimin ligjor të rastit, njofton policia