Medaljet për Lojërat Olimpike dhe Paraolimpike 2024 në Paris do të kenë metal të marrë nga Kulla Eifel

Organizatorët zbuluan medaljet të cilët thanë se janë krijuar nga hekuri i marrë nga Kulla Eifel që u hoqën gjatë restaurimit te saj.

Hekurishtet nga kulla e quajtur sipas Gustave Eiffelit, kompania e të cilit projektoi dhe ndërtoi kullën midis 1887 dhe 1889, ishte ruajtur për vite në një magazinë në një vend sekret.

Një firmë franceze bizhuterish luksoze me bazë në Paris i projektoi medaljet dhe 5,084 prej tyre do të prodhohen nga miniera franceze Monnaie de Paris.

Pjesa e pasme e medaljeve olimpike paraqet perëndeshën greke të fitores, duke ecur përpara, me Akropolin në njërën anë dhe Kullën Eifel në anën tjetër.

Medaljet për Paraolimpiadat paraqesin një pamje të Kullës Eifel dhe janë të stampuara me Paris 2024 në braille, në kujtim të francezit Louis Braille, i cili shpiku sistemin e leximit dhe shkrimit për njerëzit me shikim të dëmtuar.

Lojërat Olimpike të Parisit do të zhvillohen nga 24 korriku deri më 11 gusht me Lojërat Paralimpike të mbajtura midis 28 gushtit dhe 8 shtatorit citon BBC.