Mediat ndërkombëtare jehonë lajmit për mbylljen e TikTok! The Guardian: Kompania kërkon “qartësi nga qeveria”

Lajmi për mbylljen e TIkTok në Shqipëri ka gjetur pasqyrim të gjerë në mediat ndërkombëtare.

Duke theksuar si shkak vrasjen e 14-vjeçarit në shkollën 9-vjeçare “Fan Noli” në Tiranë, media si, TheGuardian, Corriere della Serra, La Repubblica, The Guardian, Reuters, Bloomberg, TRT, mediat serbe e greke kanë përcjellë për publikun e tyre vendimin e marrë nga qeveria shqiptare dhe të lajmëruar sot (21 dhjetor 2024) nga kryeministri Edi Rama.

The Guardian shkruan se, Shqipëria ka njoftuar një ndalim për një vit të TikTok pas vrasjes së një adoleshenti muajin e kaluar që ngjalli frikën mbi ndikimin e mediave sociale te fëmijët.

Edi Rama, kryeministri konfirmoi ndalimin, pjesë e një plani më të gjerë për t’i bërë shkollat ​​më të sigurta, pas takimit me grupet e prindërve dhe mësuesit nga i gjithë vendi.

“Për një vit, ne do ta mbyllim plotësisht atë për të gjithë. Nuk do të ketë TikTok në Shqipëri”, tha Rama.

TikTok, i kërkuar të komentojë të shtunën, kërkoi “qartësi urgjente nga qeveria shqiptare” për rastin e adoleshentit të goditur me thikë.

Kompania tha se “nuk kishte gjetur asnjë provë se autori ose viktima kishte llogari TikTok dhe raportet e shumta kanë konfirmuar në fakt videot që çuan në këtë incident që po postoheshin në një platformë tjetër, jo në TikTok”.

Disa vende evropiane, përfshirë Francën, Gjermaninë dhe Belgjikën, kanë vendosur kufizime në përdorimin e mediave sociale për fëmijët.

Në një nga rregulloret më të ashpra në botë që synon teknologjinë e madhe, Australia miratoi në nëntor një ndalim të plotë të mediave sociale për fëmijët nën 16 vjeç.

Media prestigjioze angleze, vijon më tej duke shkruar se, Rama ka fajësuar mediat sociale, dhe TikTok në veçanti, për nxitjen e dhunës mes të rinjve brenda dhe jashtë shkollës. Vendimi i qeverisë së tij vjen pasi një nxënës 14-vjeçar u godit me thikë për vdekje në nëntor nga një nxënës tjetër.

“Fëmijët shqiptarë përbëjnë grupin më të madh të përdoruesve të TikTok në vend, sipas studiuesve vendas. Ka pasur shqetësime në rritje nga prindërit shqiptarë pas raportimeve të fëmijëve që marrin thika dhe sende të tjera në shkollë për t’i përdorur në grindje ose raste ngacmimi të nxitura nga historitë që ata shohin në TikTok.

Shqipëria është një vend shumë i vogël për t’i imponuar TikTok një ndryshim të algoritmit të tij në mënyrë që të mos promovojë “riprodhimin e ferrit të pafund të gjuhës së urrejtjes, dhunës, bullizmit e kështu me radhë”, tha të shtunën zyra e Ramës. Ai tha se në Kinë, TikTok “parandalon fëmijët që të thithen në këtë humnerë”.

Vendimi i qeverisë shqiptare ka gjetur gjithashtu dhe pasqyrim në mediat e tjera.

Përtej raportimit të vendimit të qeverisë shqiptare, agjencia mediatike Reuters thotë se ka kontaktuar TikTok për një reagim, por kompania kineze nuk i është përgjigjur kërkesës deri më tani.

“Masa u mor si pjesë e një programi të ri kombëtar të sigurisë për fëmijët në shkolla”,- shkruan La Repubblica.

Rama tha këtë të shtunë se nga janari 2025, qeveria do të nisë punën për mbylljen e TikTok për një periudhë 1-vjeçare dhe kjo platformë nuk do jetë e aksesueshme në territorin e Shqipërisë nga asnjë moshë.