Memorial koncert për Rrok Jakaj – Në mbrëmjen me muzikë instrumentale luajtën disa nga artistët shkodranë
Një memorial koncert në përkujtim të violinistit Rrok Jakaj, i ndarë nga jeta 20 vite më parë u zhvillua në sallën “Mikel Koliqi” të Famullisë “Zoja e Shkodrës”.
Në këtë mbrëmje, të organizuar nga Shoqata Kulturore me emrin e artistit Jakaj, muzika dhe violina ishin “kryefjalë” e saj.
Në të u luajtën pjesë instrumentale nga miqtë e Rrok Jakaj, artistë të Shkodrës.
Ata e kujtojnë violinistin Jakaj si njeriun e veçantë, me shumë energji dhe pasion ndaj muzikës.
Shoqata Kulturore “Rrok Jakaj” prej 15 edicionesh organizon “Shkodra Jazz Festival” si një vazhdimësi e ëndrrës së violinistit shkodran që i dedikoi jetën muzikës.
