7 martirë të kishës katolike që nga e marta kanë memorialin e tyre pranë kishës së fshatit Breg Lumi në njësinë Administrative Shalë në zonën e Dukagjinit. Arqipeshkvi Imzot Angelo Massafra në fjalën e tij para besimtarëve u ndal tek mesazhi i faljes dhe rëndësia që mbartin figurat e martirëve të kishës katolike shqiptare. I pranishëm në ceremoninë e zbulimit të memoralit të martirëve në Breg Lumi ka qënë edhe kryetari i Bashkisë Shkodër Benet Beci i cili u ndal tek rëndësia e veprës së martirëve por edhe tek përpjekja e tyre për atdheun. Ai falenderoi të gjithë bashkëatdhetarët që kanë kontribuar për ndërtimin e këtij memoriali dhe u shpreh se të gjithë së bashku do të bëjmë më shumë për këtë zonë siç është zona e Dukagjinit. Organizatorët e këtij aktiviteti dhe familjarë të martirëve, evidentuan arsyet që shtynë banorët e kësaj treve për ndërtimin e këtij memoriali. Ky memorial në nderim të 7 martirëve, At Çiprian Nika, At Benardin Palaj, At Gjon Shllaku , At Gasper Suma, Dom Dede Plani, Dom Lazer Shantoja, Gjelosh lulashi, me prejardhje nga Dukagjini, u sponsorizua nga banorë të zonës të cilët jetojnë dhe punojnë prej vitesh në Shtetet e Bashkuara të Amerikës. Në mbylljen e ceremonisë u bë një vizitë pranë bustit të Shna Ndout ku dhe vendosën pranë tij një bekim të marrë nga Papa Françesku.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.