Mesazhi i festës së Krishtlindjes – Imzot Massafra përcolli urimin e fundit në detyrën si Arqipeshkëv
Nga selia e Arqipeshkëvisë së Dioqezës Shkodër-Pult, Imzot Angelo Massafra uroi besimtarët katolikë festën e Krishtlindjes në prag të vigjiljes së saj.
“Të rivendosim ekuilibrat e prishur duke mos e kursyer dashurinë, sepse është ajo që ushqen shpresën për një botë më të mirë”, ishte ky mesazhi i Massafra-s që këtë vit shkoi më së shumti për të rinjtë, të sëmurët dhe personat në vështirësi sociale.
Ky ishte urimi i fundit i Krishtlindjes për Imzot Massafra-n në detyrën e tij si Arqipeshkëv i Dioqezës Shkodër-Pult.
Në vendin e tij do të jetë Imzot Giovanni Peragine, aktualisht Kryeipeshkëv-Koadiutor.
