Messi fiton çmimin MVP në MLS: Mirë, por ëndrra ishte…

Lionel Messi fitoi çmimin MVP të futbollit të Major League. Megjithatë, një kontribut i madh nuk mjaftoi për të fituar titullin kombëtar për Inter Miami. Ish-lojtari i Barcelonës ndihmoi skuadrën të fitonte në sezonin e rregullt, por u eliminua nga Atlanta United në play-off-in final.

Synimi, për argjentinasin, është të provojë sërish vitin e ardhshëm. Duke falenderuar të gjithë për çmimin që ka marrë, Messi është shprehur kështu: “Jam shumë i lumtur që jam këtu çdo ditë, jam shumë i lumtur që jam në këtë qytet, në këtë klub që po rritet”.

“Megjithatë, do të kisha dashur ta merrja këtë çmim në një situatë tjetër, për të luajtur në finale të shtunën e ardhshme. Por futbolli është edhe kështu. Këtë vit kishim një ëndërr të madhe, të bëheshim kampionë në MLS. Nuk ndodhi, por vitin e ardhshëm ne do të kthehemi më të fortë për të provuar sërish”, fjalët e tij që transmetohen nga faqja zyrtare e klubit amerikan.