Meta flet për masën e arrestit të Berishës: Është politik, synohet asgjesimi i pluralizmit

Edhe pse në një ndeshje futbolli me miqtë në Lezhë, Kryetari i Partisë së Lirisë, Ilir Meta, e ka shfrytëzuar për të dhënë mesazhet e tij politike.

Meta e ka quajtur të kapur sistemin e drejtësisë, një përpjekje që sipas tij cënon pluralizimin në vend.

“Sado përpjekje të bëjë Rama forma për të shkatërruar pluralizmin politik, kjo është e dështuar”, tha Meta.

Meta e ka konsideruar politike, edhe masën e arrestit të shtëpisë, marrë për ish-Kryeministrin Sali Berisha.

“Dhe turp të kenë të gjithë ata ndërkombëtarë që nuk reagojnë kur Rama urdhëron SPAK-un dhe jep edhe akuzat për Sali Berishën i cili nuk ka bërë asnjë shkelje ligji, por po izolohet pse Rama terrenet sportive i ktheu në kantiere betoni”.

Meta tha se Partia e Lirisë do t‘i shërbejë rivendosjes së pluralizimit dhe se strategjia e saj do të përcaktohet në Konventën e 27 prillit.

Kërkesat e opozitës të parashtruara në Këshillin Bashkiak të Tiranës do të shqyrtohen në mbledhjen e kryesisë së këtij Këshilli. Ky vendim i mazhorancës së Këshillit Bashkiak të Kryeqytetit është vlerësuar nga nënkryetari demokrat Dorinan Teliti.

Por kërkesa sipas tij mbetet ende e paplotësuar për sa kohe, ende nuk ka një vendimarrje për kërkesën e parashtruar për ngritjen e një komisioni të brendshëm financiar, një e drejtë që sikundër tha i buron nga rregullorja e brendshme dhe ligji.

Teliti tha se opozita do të vijojë protestën para Bashkisë së Tiranës, pasi Kryebashkiaku Veliaj sipas tij duhet të marrë përgjegjësi për atë që e cilësoi grupi i strukturuar kriminal 5D.