Meta: Prokurorët prodhim i politikës. Nuk ka zar që të zhbëjë Partinë e Lirisë

Kreu i Partisë së Lirisë, Ilir Meta ka deklaruar se prokurorët janë prodhim i drejtpërdrejtë i politikës. Reagimi i  Metës erdhi pas deklaratave të artikuluara disa ditë më parë nga kreu i SPAK, Altin Dumani se për  çështje në hetim nuk ka rëndësi emri.

Meta u shpreh se prokurorët kanë marrë angazhime personale për t’u marrë me të dhe se ai nuk i frikësohet drejtësisë.

“Kam qenë gjithë jetën në hetim. E di që prokurorë që janë prodhimi më i drejtpërdrejtë i politikës, kanë marrë angazhime personale për tu marrë me Ilir Metën. Unë kam qen, jam dhe do të jem gjithmonë këtu përballë jush. Nuk ka asnjë forcë e cila mundet të zhbëjë Partinë e Lirisë, si një parti të të vërtetave të mëdha dhe nuk ka asnjë zar të Arben Rakipit që për të legjitimuar kapjen e reformës në drejtësi nga Edi Rama përmes shkatërirmit të proceseve kushtetuese të godasë Ilir Metën, i cili mbrojti gjithmonë reformën në drejtësi.

Lidhur me përpjekjet e Edi Ramës për ta kthyer SPAK-un në një komisariat policor anti-opozitë për të shkatërruar pluralizmin politik nuk jemi aspak të shqetësuar”, tha Meta.