Policia e Shtetit ka arrestuar edhe Naim Stafukën, pjesë e operacionit “Metamorfoza” ku me kërkesë të SPAK, GJKKO firmosi 43 urdhër arreste. Naim Stafuka është vëllai i Enver Stafukës, i cili u rrëmbye dhe u zhduk në shkurt të 2015 në Fushë-Krujë.
Në 2022 Naim Stafukës iu vu tritol në katin e parë të banesës së tij, ndërsa prej 2015 fati I vëllait të tij mbetet mister pasi u rrëmbye nga 4 persona në qendër të Fushë Krujës. Enver Stafuka ishte duke pirë kafe në një lokal përballë biznesit të familjes së tij, kur 4 persona të veshur me jelekë policie dhe të armatosur, iu afruan dhe nën kërcënimin e armëve e futën forcërisht në një automjet. Në 2013-n Enver Stafuka ishte arrestuar pasi u dyshua si personi që kishte vjedhur automjetin me të cilin u krye atentati ndaj Kryekomisarit Dritan Lamaj. Megjithatë ai u la më pas i lirë. Familjarët kanë akuzuar Durim Bamin si të përfshirë në zhdukjen e Enver Stafukës.
Më herët si pjesë e operacionit “Metamorfoza” pas zbërthimit të aplikacionit Sky ECC, me kërkesë të SPAK në pranga ranë edhe Erigert Mitri, ish-drejtor i Policisë së Lezhës (aktualisht specialist në Drejtorinë e Përgjithshme të Policisë së Shtetit), Klodian Jashari, ish-shef i krimeve në Delvinë, si dhe Altin Morina, ish-efektiv i forcave speciale RENEA.
Gjithashtu në Spanjë u vu në pranga Denis Meta, ndërsa në Itali u kap Arjan Tuku. Nga hetimet e kryera, SPAK ka dalë në përfundimin se Arian Tuku, 36 vjeç nga Lezha, ka tentuar të vrasë Aleks Ndrekën. Gjithashtu 36-vjeçari ka siguruar kushtet për të kryer vrasjen e Durim Bamit.
SPAK ka zbardhur edhe disa ngjarje të rënda kriminale nga vrasjet, atentatet, falsifikimet me qëllim përfitim e pronave në bregdet në mënyrë të paligjshme etj. Zbardhja e këtyre ngjarjeve është bërë pas zbërthimit të aplikacionit Sky ECC.
43 urdhër arreste u dhanë për personazhe të njohura të botës së krimit, si dhe drejtues të klaneve kriminale në vend, që nga vëllezërit Leonard e Erlis Duka, Astrit dhe Altin Avdylaj, Valter dhe Burim Bami, Endrit Dokle, Plarent Dervishaj, Fatmir Hyseni, Mir Brruli etj.
Forcat RENEA-s, FNSH-së dhe policisë nisën kontrollet nga Veriu në Jug ku në fokus ishte Shkodra, Lezha, Kurbini, Fushë Kruja, Nikëla, Tirana, Durrësi dhe Vlora.
Zbardhen emrat e 26 prej personave që janë lëshuar urdhër arreste.
1-Leonard Duka arrestuar në Belgjikë pret ekstradimin për vrasjen e Santiago Malkos
2-Erlis Duka në kërkim ende për vrasjen e Santiago Malkos
3-Fatmir Hyseni alias Doçja në kërkim për vrasjen e Santiago Malkos dhe atentatin ndaj Inez Hajrullës
4-Arben Ndoka në kërkim ish-deputet ndodhet në Dubai prej më shumë se një viti më parë, i përmendur në dosjen “Metamorfoza”
5-Xhevi Ndoka vëllai i Arben Ndokës arrestuar më herët për pronat komunikuar masa në burg
6- Samuel Ndoka, nipi i Arben Ndokës
7- Armando Ndreca, vëllai i deputetit Eduard Ndreca i arrestuar para disa javësh për kultivim droge në një stan në Lezhë, por brenda dy ditëve u la i lirë nga Gjykata.
8-Elvis Ndreca djali xhaxhait të deputetit Eduard Ndreca
9- Astrit Avdylaj në kërkim, për sigurim kushtesh për të kryer vrasje.
10-Aldo Avdylaj nipi i Astritit, sigurim kushtesh për të kryer vrasje
11-Albert Zaja arrestuar në 2021 për vrasjen e Shkëlzen Kastratit, komunikuar masa në burg
12- Durim Bami në kërkim i strehuar në Dubai, sigurim kushtesh për të vrarë Marklen Hakën. Nga atentati që iu bë këtij të fundit më 21 shtator 2019 mbeti e vdekur halla e tij.
13-Naim Stafuka, vëllai i Enverit të zhdukur prej kohësh pa gjurmë. Burimet thonë se Durim Bami siguroi kushte për të vrarë Marklen Hakën dhe në këtë ngjarje u përfshi edhe Stafuka.
14-Marklen Haka personazh i njohur, disa herë i lakuar si i përfshirë në ngjarje kriminale, rezultonte i lirë por ruhej nga kundërshtarët disa prej të cilëve më herët i kishte miq e bashkëpunëtorë
15-Santilo Basho i skeduar më herët, vëllai i Tesi Bashos i skeduar gjithashtu dhe i arratisur nga burgu, masa i është komunikuar në burg
16-Plaurent Dervishaj, kunati i Lul Berishës, në kërkim si pjesë e bandës së Durrësit. Gjykohet për vrasjet e 2005 ndaj Vajdin Lames e Klodian Saliut.
17-Lulzim Berisha, i arrestuar në Spanjë pjesë e grupit të Durrësit, akuzuar për vrasjet e 2005 Vajdin Lames e Klodian Saliut, gjykohet në mungesë
18-Viktor Imeri, në burg për vrasjen e Klodian Saliut e Vajdin Lames, iu komunikua masa në burg
19- Endrit Dokle, ish-anëtar i bandës së Durrësit, doli nga burgu më 14 janar 2020, ku në fakt duhet të qëndronte përjetë me vendim të gjyqtares së Krujës Enkeleda Hoxha.
20- Ervis Doçi njohur si “Visi i Pojës”.
21-Denis Meta kapet në Spanjë
22-Arjan Tuku kapet në Itali
23-Mir Bruli kushëri i Pëllumb Gjokës, biznesmen i njohur në Velipojë
24- Henrigert Mitri, ish drejtues i Policisë Lezhë
25-Klodian Shahini ish punonjës policie kufitare
26-Altin Morina ish efektiv i RENA-s, arrestuar rreth dy vite më parë me 113 mijë euro në makinë, i liruar nga qelia
Kreu i Partisë Demokratike, Sali Berisha, ka premtuar se gjatë mandatit të tij të parë…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Nisur nga numri i lartë i vendeve turistike që përfshin Malësia e Madhe po tërheq…
Kjo zonë po vuan nga një problem i madh, siç është ndotja nga mbeturinat. Ky…
Shqiptarët kanë edhe një tjetër shkollë në Evropë, ku mund të mësojnë gjuhën, kulturën dhe…
This website uses cookies.