Dhjetëra mijëra iranianë u mblodhën të martën për t’i dhënë lamtumirën presidentit Ebrahim Raisi dhe shtatë shoqëruesit e tij, që mbetën të vrarë të dielën nga përplasja e helikopterit me të cilin po fluturonin.
Aksidenti ndodhi në malet e qytetit veriperëndimor të Tabrizit, ku zyrtarët po ktheheshin pas inaugurimit të një dige në kufi me Azerbajxhanin. Forcat e armatosura iraniane do të hetojnë shkaqet e aksidentit.
Përkrah Raisit humbën jetën edhe ministri i Jashtëm, Hosein Amir-Abdollahian (o. Hossein), pjesëtarë të autoriteteve lokale dhe ekipi i sigurisë i presidentit.
Të martën, procesionit me arkëmortët e transportuar me kamion përmes Tabrizit iu bashkuan qytetarët me flamuj dhe portrete të presidentit të ndjerë 63-vjeçar.
Kjo ishte dita e dytë e zisë nga pesë ditë të shpallura nga udhëheqësi suprem i vendit, Ajatollah Ali Kamenei (o. Ayatollah Ali Khamenei).
Kufomat pritet të transportohen gjatë ditës në qytetin qendror të Komit, i cili ka një domethënie të madhe fetare, ndërsa të mërkurën është parashikuar ceremonia më e madhe në Teheran, në praninë edhe të liderit Kamenei dhe personalitete të huaja.
Varrimi i Raisit në qytetin e shenjtë të Mashadit është planifikuar për ditën e enjte.
Lideri suprem Ajatollah Ali Kamenei ka caktuar zëvendëspresidentin Mohamad Mokber (o. Mohammad Mokhber) për të marrë drejtimin e qeverisë deri në zgjedhjet e reja.
Përbërësit 500 gr makarona 600 gr spinaq 500 gr kos 1 filxhan çaji qumësht ½…
Emocioni i zemërimit është një nga më sfiduesit dhe më drobitësit për shpirtin dhe organizmin.Zemërimi…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Ministri për Ekonominë, Kulturën dhe Inovacionin, Blendi Gonxhja bëri të ditur se në e-Albania nxënësit…
Shqipëria është ndër destinacionet më të kërkuara për pushime nga turistët britanikë – falë plazheve…
Ministria e Ekonomisë,, Kulturës dhe Inovacionit, shpall konkursin për pozicionin e drejtorit në Cirkun Kombëtar.…
This website uses cookies.