Milatoviç: Njohja e Kosovës është çështje e përfunduar për Malin e Zi“Njohja e…
Milatovic Njohja e Kosoves eshte ceshtje e perfunduar per Malin
Milatoviç: Njohja e Kosovës është çështje e përfunduar për Malin e Zi
“Njohja e pavarësisë së Kosovës është çështje e përfunduar dhe se nuk ka kthim pas”, kështu ka deklaruar Presidenti i Malit të Zi, Jakov Milatoviç ai përmes një deklarate e shpërndarë për mediat nga zyra e presidentit.
“Njohja e pavarësisë së Kosovës, anëtarësimi i vendit në NATO dhe sanksionet ndaj Rusisë, si pjesë e politikës së përbashkët të jashtme dhe të sigurisë të Bashkimit Europian, janë çështje të përfunduara”,ka theksuar presidenti i Malit të Zi.
Presidenti Milatoviç kujdeset të theksoje në deklaratë se mandatin e tij do t’ia kushtojë hyrjes së vendit në BE dhe se shpreson që të gjitha subjektet politike në vend të tregojnë përgjegjësi në këtë drejtim.
Që prej anëtarësimit në NATO, vend i vogël i Ballkanit e ka përafruar politiken e jashtme me Bashkimin Europian.
Pavarësia e Kosovës u njoh nga Qeveria e Malit të Zi në vitin 2008, kur në pushtet ishte Partia Demokratike e Socialistëve e ish- presidentit Milo Gjukanoviç.
