Ministeriali për Drejtësinë, Manja: Të përkushtuar në luftën kundër krimit dhe korruposinit
ministerteriali
Ministri i Drejtësisë, Ulsi Manja, gjatë Konferencës Ministeriale BE-Ballkani Perëndimor për Drejtësinë dhe Çështjet e Brendshme, ka konfirmuar përkushtimin e vendit tonë për drejtësi, luftën kundër korrupsionit dhe bashkëpunimin rajonal.
Manja, nëpërmjet një postimi në rrjetet sociale, thekson se “Shqipëria është një partnere e besueshme për sfidat e drejtësisë dhe solidaritetin ndërkombëtar në luftën kundër agresionit rus në Ukrainë”.
“Mbyllëm me sukses Konferencën Ministeriale BE-Ballkani Perëndimor për Drejtësinë dhe Çështjet e Brendshme organizuar nga presidenca spanjolle dhe mikpritës Ministrinë e Drejtësisë së Maqedonisë së Veriut, duke konfirmuar përkushtimin tonë për drejtësi, luftën kundër korrupsionit, aksesin në drejtësi dhe bashkëpunimin rajonal. Jemi partnerë të besueshëm për sfidat e drejtësisë dhe solidaritetin ndërkombëtar në luftën kundër agresionit rus në Ukrainë”, shkruan Manja.
