Ministri i Mbrojtjes Niko Peleshi paraqitet në SPAK
Ministri i Mbrojtjes Niko Peleshi është paraqitur mëngjesin e sotëm (5 mars) në Prokurorinë e Posaçme kundër Korrupsionit.
Ministri Peleshi i është përgjigjur fletëthirrjes së prokurorëve të SPAK, duke u paraqitur rreth orës 10:00. Ende nuk ka një informacion se për çfarë arsye apo çështje prokurorët e SPAK kanë kërkuar që ministri Peleshi të dëshmojë.
Që prej 2020 Niko Peleshi drejton Ministrinë e Mbrojtjes, pas largimit nga posti të Olta Xhaçkës.
Gjithashtu në periudhën shtator 2017–janar 2019, Peleshi ka shërbyer si ministër i Bujqësisë dhe Zhvillimit Rural. Më herët Peleshi ka mbajtur edhe detyrën e zëvendëskryeministrit në periudhën 2013–2017.