Ministri i Financave, Ervin Mete, priti në një takim zyrtar Ambasadorin e Mbretërisë së Holandës në Tiranë, Reinout Vos, me të cilin diskutoi mbi marrëdhëniet ekonomike mes dy vendeve dhe mundësitë për zgjerimin e investimeve holandeze në Shqipëri.
Ministri Mete shprehu vlerësimin për mbështetjen e dhënë nga qeveria holandeze në kuadër të reformave në një sërë sektorësh dhe sa i përket procesit të integrimit, përmes asistencës, financimeve dhe programeve të ndryshme.
Ministri pohoi faktin se bashkëpunimi ekonomik dhe tregtar mes Shqipërisë dhe Holandës është rritur në vitet e fundit dhe shprehu angazhimin për thellim të mëtejshëm, ndërsa theksoi mundësitë që ofron vendi ynë në sektorë si agrikultura, turizmi, infrastruktura dhe energjia.
Nga ana e tij, Ambasadori z.Vos shprehu interesin e qeverisë holandeze për të intensifikuar marrëdhëniet ekonomike mes dy vendeve dhe për rritjen e prezencës së kompanive holandeze në Shqipëri.
Stoku i investimeve holandeze në Shqipëri është rritur përgjatë periudhës 2018-2023, duke arritur vlerën maksimale 2 miliardë euro në shtator 2023. Sipas të dhënave, aktualisht në vendin tonë operojnë 85 kompani holandeze, 66 prej të cilave me kapital 100% holandez, ndërsa volumi tregtar për vitin 2023 shënoi vlerën 113.3 milionë Euro.
“Sfida Kombëtare e Kodimit” që synon edukimin teknologjik të të rinjve, bëri bashkë shkollat 9-vjeçare…
Orkestra Simfonike e Radio Televizionit Shqiptar vijon stinën koncertore për vitin 2025 me një program…
Ka përfunduar kampionati i ping-pongut për shkollat 9- vjeçare të Bashkisë Shkodër. Aktiviteti është në…
Një remont në nënstacionin elektrik të Lezhës la pa energji elektrike rreth 80% të territorit…
Është hedhur në Nion të Zvicrës shorti i fazës së Play Off-it të këtij edicioni…
Për të parën herë pas konfliktit të brendshëm mes demokratëve për çështjen e përkatësisë dhe…
This website uses cookies.