Ministrja Denaj: BB 65 milionë euro për rritjen e aksesit në tregje për fermerët

Ministrja e Bujqësisë dhe Zhvillimit Rural, Anila Denaj ka zhvilluar të hënën një takim menaxherin e Zyrës së Bankës Botërore në Shqipëri, Emanuel Salinas dhe përfaqësues të tjerë të Bankës Botërore në Shqipëri.

Gjatë këtij takimi, bëri të ditur ministrja Denaj nëpërmjet një postimi në rrjetin e saj social Facebook, u prezantua marrëveshja e përbashkët për zhvillimin e bujqësisë shqiptare.

Ky projekt, me një financim prej 65 milionë euro nga Banka Botërore, ka në fokus promovimin e bujqësisë inteligjente për të përballuar sfidat klimatike, si dhe rritjen e aksesit në tregje për fermerët.

“Marrëveshja me Bankën Botërore për zhvillimin e bujqësisë shqiptare prej 65 milionë eurosh ka në fokus promovimin e bujqësisë inteligjente për të përballuar sfidat klimatike, si dhe rritjen e aksesit në tregje për fermerët, fuqizimin e sigurisë ushqimore, si dhe forcimin e kapaciteteve të Ministrisë së Bujqësisë dhe Zhvillimit Rural për të analizuar ndikimet e politikave bujqësore”, shkruan ministrja Denaj.