Miratohet buxheti për 2025 – Debate mes këshilltarëve para procesit të votimit

Mbledhja e fundit e Këshillit Bashkiak  për këtë vit është shoqëruar me debate  gjatë diskutimit të buxhetit për vitin 2025, që ishte dhe pika  kryesore e rendit të ditës.

Gjatë kësaj mbledhje , kryebashkiaku Benet Beci bëri një prezantim të investimeve të përfunduara me sukses, atyre në proces dhe të planifikuara për të filluar në vitin e ardhshëm , që përmirësojnë shërbimet publike dhe cilësinë e jetës së çdo banori, si në lagjet e qytetit, ashtu edhe në zonat rurale nga Velipoja deri në Dukagjin

Beci nënvizoi faktin se , në sajë të  një mbështetje të fortë nga Qeveria Shqiptare dhe donatorët ndërkombëtarë, janë në proces  miliona euro investime në territorin e bashkisë  Shkodër.Pas fjalës së  kryebashkiakut  Beci, këshilltarët e djathtë  kërkuan të merrnin fjalën për të replikuar, por nga kreu i Këshillit Bashkiak , Oltion Luli, iu bë e qartë se në fillim do të degjohen ekspertët për detajet e buxhetit dhe më pas do kishte diskutime.

Nga ana e këshilltarëve të djathtë  pati debate të ashpra, pasi insistonin  të merrnin fjalën menjëherë pas kryebashkiakut.

Pavarësisht  debateve , buxheti i Bashkisë Shkodër për vitin 2025 u miratua me votat e këshilltarëve të majtë , të cilët përbëjnë shumicën në Këshillin Bashkiak.