Mirditë-U gjet i vdekur në dhomë nga vajza, Policia: 68-vjeçari u qëllua me armë nga dritarja
Një 68-vjeçar është qëlluar me armë zjarri nga në Mirditë.
Sipas informacioneve paraprake nga policia, bëhet me dije se 68-vjeçari është qëlluar nga dritarja e dhomës ku flinte, dhe është gjetur pa shenja jete nga vajza e tij.
68-vjeçari prej 2 ditësh kishte humbur kontaktet me familjarët teksa qëndronte në banesën ku kalonte muajt e verës.
Deri në këto momente janë shoqëruar në Komisariat, për veprime të mëtejshme, disa shtetas, banorë të këtij fshati.
“Më datë 20.08.2024, shtetasja L. R. ka njoftuar Policinë se ka gjetur të pajetë babanë e saj, shtetasin F. R., 68 vjeç, në banesën e familjes në fshatin Lajthizë, njësia administrative Orosh, ku 68-vjeçari kalonte muajt e verës. Prej 2 ditësh ai kishte humbur kontaktet me familjarët.
Menjëherë drejt vendit të ngjarjes janë nisur shërbimet e Policisë vendore dhe grupi i posaçëm hetimor.
Nga këqyrja paraprake e vendit të ngjarjes dyshohet se 68-vjeçari është qëlluar me armë zjarri, nga dritarja e dhomës ku flinte, dhe si pasojë ka humbur jetën”, thuhet në njoftim.
