(Përbërësit më poshtë për katër persona)
Si fillim, vendosni copat e mishit në një tenxhere, hidhni kripë sipas dëshirës dhe mbulojeni me ujë.
Vendoseni tenxheren në zjarr dhe lëreni të ziejë derisa mishi të zbutet. Më pas mishin largojeni nga tenxherja dhe lëreni mënjanë.
Ndërkohë, lëngun e mishit kalojeni në një tas të madh dhe më pas, merrni katër gota prej tij (për çdo gotë me oriz duhen dy gota me lëng mishi) dhe hidhini në tenxheren ku zjetë më parë mishin.
Hidhni një lugë vaj ulliri, pak gjalpë të freskët provojeni nëse ka kripë sa duhet dhe vendoseni sërish në zjarr dhe lëreni të ziejë.
Sapo të ketë zierë, shtojmë orizin, dhe me lugën e drurit sigurohemi që kokrrizat të mos ngjiten në fundin e tenxheres.
mos e përzieni shumë, pasi orizi do të bëhet shumë i butë dhe me lagështirë.
I vendosim tenxheres kapakun, dhe ulim zjarrin.
E lëmë orizin që të ziejë për rreth 18 minuta, më pas do ta largojmë nga zjarri, dhe ashtu në tenxhere do ta lëmë dhe 5 minuta të tjera.
Para se ta shërbeni, me ndihmën e një piruni e përzieni me shumë kujdes. Kështu avulli i tepërt nuk do krijojë lagështirë.
Është e rëndësishme që tenxheres të mos ia hiqni kapakun apo që ta trazoni orizin gjatë kohës që ai është duke zierë.
Nëse pilafi është bërë para se ta shërbeni, hiqeni kapakun dhe në vend të tij vendosni një pecetë kuzhine.
Ajo do të thithë lagështirën dhe do të ruaj që orizi të mos bëhet i butë më shumë seç duhet.
Pasi të keni përgatitur pilafin, merrni një tigan vendoseni në zjarr shtoni aty një lugë të plotë me gjalpë të freskët, sapo të tretet gjalpi shtoni dy lugë miell dhe përziejeni derisa mielli të nisë të zverdhet.
Nëse dëshironi shtoni edhe pak salcë domateje, shtoni pak kripë dhe piper.
Shuajeni masën me një gotë lëng mishi dhe përzjeheni derisa të krijohet një salcë jo shumë e trashë, kaloni aty thelat e mishit që keni zierë dhe kaurdiseni për 1-2 minuta.
Më pas, kur të shërbeni pilafin në mes të tij shtoni thelën e mishit të viçit shoqëruar me pak nga salca e tij.
Sipas dëshirës sipër spërkateni me pak majdanoz të freskët./
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.