Kryeministri i Greqisë, Kiriakos (Kyriakos) Mitsotakis gjatë vizitës së tij në Tiranë në kuadër të Samitit për Procesin e Berlinit, deklaroi se kryetari i zgjedhur i Bashkisë së Himarës, Fredi Beleri, ka të drejtë të betohet, ndonëse është në burg.
“Është një e drejtë e patjetërsueshme që buron nga rendi kushtetues shqiptar. Një e drejtë plotësisht në përputhje me rregullat evropiane të shtetit të së drejtës. Rëndësi ka që ai të betohet për të lënë këtë hije të rëndësishme që prek padyshim marrëdhëniet greko-shqiptare”, tha Mitsotakis.
Mitsotakis dërgoi mesazhin e qartë se çështja ‘Beleri” është e lidhur drejtpërdrejt me negociatat e anëtarësimit të Shqipërisë.
“Zgjidhja e çështjes është një kusht i domosdoshëm që Greqia të ndërmarrë hapin e radhës dhe të pranojë nisjen e procesit të negociatave të Shqipërisë me BE-në ”, vuri në dukje kryeministri.
Duke iu përgjigjur pyetjeve të gazetarëve menjëherë më pas, ai tha se do të kërkonte ta diskutonte këtë çështje me kryeministrin shqiptar Edi Rama. “Qëndrimi ynë është i qartë. Unë nuk kam ndërmend të ndërhyj në proceset e drejtësisë së pavarur shqiptare, por Fredi Beleri ka të drejtë të betohet edhe kur është në paraburgim, gjë që do t’ia bëj të qartë edhe zotit Rama. Shpresoj se do të arrijmë ta zgjidhim çështjen”, tha ai, raporton Kathimerini.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.