Miura nuk njeh moshë, do të vazhdojë të luajë edhe pse është 58 vjeç

Ish-sulmuesi i Genoas dhe legjenda e futbollit japonez, Kazuyoshi Miura, ka njoftuar se synon të luajë sërish sezonin e ardhshëm për klubin e tij aktual japonez.

Në pamje të parë duket një lajm i zakonshëm, por duhet theksuar se Miura sezonin e ardhshëm do të mbushë 58 vjeç, dhe do të luajë sezonin e 40-të në futbollin profesionist. Miura është disa breza më i vjetër se shokët e tij të skuadrës dhe bashkëkohësit e tij dolën në pension dekada më parë.

I njohur si “King Kazu”, agjencia japoneze e lajmeve Kyodo raportoi se ai do të kthehet në klubin e kategorisë së katërt Suzuka sezonin e ardhshëm. Miura fitoi çmimin MVP (Lojtari më i mirë i sezonit) në vitin 1993 në sezonin e parë të J-League në Japoni.