Mjeku më i lartë amerikan ka bërë thirrje për vendosjen e etiketave paralajmëruese për rrezikun nga pijet alkoolike, të ngjashme me etiketat e cigareve, pas kërkimeve të reja që i lidhin pijet me shtatë lloje kanceri.
Vivek Murthy thotë se shumica e njerëzve nuk janë në dijeni të këtij rreziku që çon në rreth 100 mijë raste kanceri dhe 20 mijë vdekje në vit në SHBA.
Murthy ka bërë thirrje gjithashtu për rivlerësimin e kufizimeve të rekomanduara për konsumin e alkoolit. Kirurgu i Përgjithshëm, i cili është zëdhënësi kryesor për çështjet e shëndetit publik në qeverinë federale, tha se alkooli ishte shkaku i tretë më i zakonshëm i parandalueshëm i kancerit pas duhanit dhe mbipeshës.
“Lidhja e drejtpërdrejtë midis konsumit të alkoolit dhe rrezikut të kancerit është e mirë-vendosur për të paktën shtatë lloje të kancerit, pavarësisht nga lloji i alkoolit që konsumohet”, tha Murthy në një deklaratë.
Kjo përfshin rritjen e rrezikut të kancerit të gjirit te gratë, fytit, mëlçisë, ezofagut, gojës, laringut dhe zorrës së trashë.
Në SHBA, vetëm Kongresi mund të amendojë etiketat e reja paralajmëruese të rekomanduara nga Murthy dhe nuk është e qartë se administrata e ardhshme Trump do ta mbështesë këtë./ BBC
Kombëtarja shqiptare U-17 nis nesër përgatitjet për raundin e dytë të kualifikueseve të Kampionatit Europian…
Donatella Versace largohet nga roli i saj si drejtoreshë kreative në shtëpinë e modës Versace,…
Edhe në konferencën e zakonshme para ndeshjes me Skënderbeun në Shkodër për Superligën, trajneri i…
Letërsia shqipe për fëmijë po përballet me një tkurrje të ndjeshme, duke pasur gjithnjë e…
Pas përfundimit dhe daljes së rezultateve të censusit të shpendëve në liqenin e Shkodrës, lumin…
Këshilli i Qarkut Shkodër zhvilloi mbledhjen e tij të radhës, ku u miratuan me unanimitet…
This website uses cookies.