Moisi Duda zgjidhet anëtar i Këshillit të Lartë të Prokurorisë

Moisi Duda është anëtari më i ri i Këshillit të Lartë të Prokurorisë. Sipas informacioneve siguruar nga RTSH,  Duda, prokuror i Prokurorisë pranë Gjykatës së Apelit të Juridiksionit të Përgjithshëm, arriti të siguronte 122 vota, ndërsa kundërshtarja e tij mori vetëm 106 vota.

Procesi për zgjedhjen e dy anëtarëve të tjerë të Këshillit të Lartë të Prokurorisë, po vijon.

Pritet që dy prej 5 kandidatëve të zgjidhen anëtarë të KLP-së, duke ripërtërirë kështu plotësisht përbërjen e tij që nga momenti i krijimit në dhjetorin e vitit 2018.

Për pozicionet e lira në KLP kanë shprehur interes kandidatët e mëposhtëm:

Edina Kurti, prokurore në Prokurorinë e Shkallës së Parë të Juridiksionit të Përgjithshëm Durrës;

Edlira Bako, prokurore, Prokuroria pranë Gjykatës së Shkallës së Parë të Juridiksionit të Përgjithshëm, Elbasan;

Elsa Miha prokurore, Prokuroria pranë Gjykatës së Shkallës së Parë të Juridiksionit të Përgjithshëm Tiranë;

Olgert Eminaj, prokuror në Prokurorinë pranë Gjykatës së Shkallës së Parë të Juridiksionit të Përgjithshëm, Korçë; dhe

Vatë Staka, Prokuror në Prokurorinë pranë Gjykatës së Shkallës së Parë të Juridiksionit të Përgjithshëm, Shkodër.