Momenti emocionues, gazetarja e CNN tregon në transmetim të drejtpërdrejtë se vuan nga kanceri i gjirit

Spikerja dhe gazetarja e CNN, zbuloi në transmetim të drejtpërdrejtë se po lufton me kancerin e gjirit. Në një moment emocionues, ajo i kërkoi audiencës të ndalej për një moment dhe të sillni ndërmend emrat e 8 grave që i njihnin dhe i vlerësonin në jetën e tyre, pasi statistikisht, 1 në 8 gra vuan nga kanceri  gjirit.

“Merrni një sekondë kohë për të kujtuar emrat e tetë grave që i doni dhe i njihni në jetën tuaj sepse statistikisht, një në çdo tetë gra lufton kancerin e gjirit në një moment të jetës së tyre. Unë jam njëra prej tyre. Nuk jam sëmurë asnjë ditë në jetën time. Unë nuk pi duhan, alkool pi rrallë, kanceri i gjirit nuk është në familjen time, por ja ku jam e diagnostikuar me kancerin e gjirit në fazën 3”, tha ajo.

Sidner nuk mundi t’i mbante lotët teksa tha se është në muajin e dytë të trajtimit me kimioterapi dhe se më pas do t’i nënshtrohet trajtimit me rreze.

“Është e vështirë të thuhet me zë të lartë. Faza 3 nuk është më një dënim me vdekje për shumicën dërrmuese të grave, por realiteti më tronditi me të vërtetë kur fillova të hulumtoj më shumë rreth kancerit të gjirit, diçka që nuk e kam bërë kurrë përpara se të diagnopstikohesha. Nëse ndodh që jeni një grua me ngjyrë, keni 41 për qind më shumë gjasa të vdisni nga kanceri i gjirit sesa gratë e bardha. Për të gjitha motrat e mia, pavarësisht ngjyrës së lëkurës, ju lutem, bëni mamografitë tuaja çdo vit. Bëni vetë-kontrollet tuaja. Përpiquni ta kapni më shpejt sesa e kapa unë”, i tha ajo audiencës.

Nga ana e saj, Sidner e përfundoi me një mesazh mirënjohjeje personale. “E kam falënderuar kancerin që më zgjodhi mua. Po mësoj se pavarësisht se çfarë dreqin kalojmë në jetë, se unë jam ende çmendurisht e dashuruar me këtë jetë. Dhe vetëm të qenit gjallë ndihet shumë ndryshe për mua tani. Jam më e lumtur sepse nuk stresohem për gjërat e vogla që më mërzitnin. Dhe tani, çdo ditë që marr frymë, mund të festoj që jam ende këtu me ju”, tha ajo.