Kina ka deklaruar se sonda e saj hënore është ngritur me sukses nga ana e largët e Hënës për të filluar udhëtimin e saj të kthimit në Tokë duke mbajtur mostrat e para të mbledhura ndonjëherë nga rajoni.
Të dielën, sonda u ul në një krater gjigant afër polit jugor të hënës në një arritje të parë botërore të festuar nga komuniteti ndërkombëtar i shkencës.
Kina është i vetmi vend që ka zbritur në anën e largët të Hënës. Administrata Kombëtare Kineze e Hapësirës (CNSA) e përshkroi uljen dhe ngritjen e sondës si “një arritje të paprecedentë në eksplorimin njerëzor hënor”.
Ana e largët ose “e errët” e hënës, e cila shikon larg nga Toka, është teknikisht sfiduese për t’u arritur për shkak të distancës së saj dhe terrenit të vështirë me kratere gjigantë.
Zyrtarëve të hapësirës u është dashur të përdorin një satelit për të drejtuar dhe mbajtur komunikimet me anijen Chang’e-6.
Kina synon të jetë vendi i parë që do të sjellë përsëri mostra shkëmbi dhe dheu nga ana e largët e Hënës, të cilat shkencëtarët thonë se mund të jenë shumë të ndryshme nga formacionet shkëmbore në anën e afërt.
Ky është misioni i gjashtë i Kinës në hënë, i quajtur sipas perëndeshës së hënës Chang’e në mitologjinë kineze./ BBC
Në ambientet e Federatës Shqiptare të Futbollit ka qenë vetë Armand Duka që ka konfirmuar…
Pak ditë pasi u ndeshën për të vendosur finalisten e Kupës së Shqipërisë, Vllaznia dhe…
Policia ka bërë të ditur se në zonën e “Ali Demit” ka pasur një konlfikt…
Jam përpara jush, në emër të Partisë Demokratike, për të denoncuar skemat abuzive dhe gënjeshtrat…
Të nderuar banorë, Shkodra sot po përjeton investime të rëndësishmë në infrastrukturën arsimore dhe atë…
Nga Korça, kryetari i Partisë Social Demokrate, Tom Doshi, u shpreh se PSD është shtëpia…
This website uses cookies.