Moti- Dita e sotme do të jetë me reshje shiu dhe dëbore, ulen temperaturat
Gjatë ditëve të fundit vendi ynë është përfshirë nga reshje të dendura shiu dhe dëbore.
Dita e sotme parashikohet që të jetë me vranësira mesatare dhe të dendura si dhe reshje shiu të herëpashershme me intensitet të ulët në pjesën më të madhe të territorit ndërsa në zonën e qendrës dhe jug reshjet lokalisht me intensitet deri mesatar.
Në relievet malore në verilindje në lartësitë mbi 300-400 metër dhe juglindje në lartësitë mbi 600-700 metër reshje dëbore me intensitet të ulët dhe lokalisht deri mesatar.
Temperaturat në zonat malore do të shkojnë deri në -6 gradë Celcius vlerat minimale dhe në -3 gradë celsius.
Ndërsa në xzonat jugore, temperaturat minimale do të jenë në vlerën 4 gradë Celcius ndërsa temperaturat maksimale në vlerën 7 gradë celsius.
Duke filluar nga dita e martë pritet përmirësimi gradual i kushteve atmosferike mbi vendin tonë. Moti parashikohet me vranësira mesatare deri të dendura por edhe intervale afatshkurtra kthjellimi kryesisht përgjatë ultësirës perëndimore. Në relievet malore në verilindje dhe juglindje vranësirat do të shoqërohen me reshje të dobëta dhe të herëpashershme dëbore.
