Moti/ Dita nis me shi, pasdite pritet përmirësim. Zbresin temperaturat

Rryma ajrore të paqëndrueshme të ftohta Atlantike po ndikojnë gjerësitë gjeografike të Mesdheut duke mbajtur mot të paqëndrueshëm në territorin e Shqipërisë.

E Diel, 03 Dhjetor 2023

Në vendin tonë moti do të jetë me vranësira reshje shiu në orët e para të mëngjesit deri në mesditë. Reshje bore në veri. Në mbrëmje pritet përmirësim. Era do të fryjë me drejtim veri (N) me shpejtësi 10-20 m/sek në bregdet. Valëzimi do të jetë i forcës 6 me lartësi vale 1,0-2,0 metër në det të hapur.

Temperaturat minimale dhe maksimale:

– Zonat malore      7/12°C

– Zonat e ulëta       11/18°C

– Zonat bregdetare 14/18°C

Kosovë

Kosova për dt. 03 Dhjetor 2023 do të ketë vranësira reshje shiu dhe bore. Temperaturat do të regjistrojnë vlera nga -1°C – 3°C në mëngjes deri në 9°C – 12°C gradë Celsius në mesditë.

E Hënë, 04 Dhjetor 2023

Fillimi i javës në vendin tonë moti do të jetë me diell në pjesën e pare të ditës, pasdite presim shtimit të vranësirave. Era do të fryjë me drejtim veri (N) me shpejtësi 10-20 m/sek në bregdet. Valëzimi do të jetë i forcës 6 me lartësi vale 1,0-2,0 metër në det të hapur.

Temperaturat minimale dhe maksimale:

– Zonat malore      -2/7°C

– Zonat e ulëta       3/15°C

– Zonat bregdetare 6/16°C

Meteorologe: Rezarta Xhakollari