Moti i keq boshatis Shëngjinin/ Largohen pushuesit, fluksi i automjeteve krijon …

Moti i keq boshatis Shëngjinin/
Largohen pushuesit, fluksi i automjeteve krijon kaos në lëvizje

Që nga nisja e sezonit turistik, qyteti bregdetar i Lezhës ka ‘vluar’ nga pushuesit vendas dhe të huaj, mirëpo moti i keq me reshje të dendura shiu dhe stuhi që ka ‘pushtuar’ rajonin gjatë 24 orëve të fundit ka detyruar pushuesit të largohen. Çadrat dhe shezlonet u mbyllën në këtë fundjavë të parë të muajit gusht, ndërsa dhe deti ishte trazuar dhe me dallgëzim të lartë.Nje pjesë e pushuesve qëndruan në banesa dhe hotele, por nuk munguan as ata që u larguan nga kjo zonë turistike.Këtë e dëshmoi dhe trafiku i rënduar në rrugën e Shëngjinit por edhe në superstradën Milot-Balldren. Fluksi i lartë i automjeteve krijoj trafik të rënduar dhe kaos total në lëvizje, ndërsa policia rrugore u vendos në disa pika për të lehtësuar sadopak lëvizjen.Moti i keq me stuhi dhe reshje të dendura shiu, vjen pas një periudhe të gjatë me temperatura të larta të cilat arritën deri në 40 gradë celsius.Ndërkohë moti i paqendrushëm pritet ta shoqërojë vendin tonë gjatë gjithë kësaj fundjave, duke dhënë impakt mjaft negativ për turizmin pikërisht në pikun e sezonit.

Burimi