Moti i keq me reshje shiu dhe bore që ka përfshirë një pjesë të territorit të vendit ka shkaktuar probleme në disa akse rrugore.
Autoriteti Rrugor Shqiptar bëri të ditur të premten se në këto akse është ndërhyrë menjëherë duke siguruar qarkullimin pa probleme të mjeteve.
Sipas ARRSH-së, reshje shiu me intensitet mesatar kanë përshkuar vendin duke sjellë rënie gurësh e inertesh të cilat janë pastruar menjëherë pa shkaktuar probleme në qarkullimin e mjeteve.
Në akset Ura e Zapodit-Shishtavec, Bogë-Theth dhe Tamarë-Vermosh ka pasur reshje dëbore.
ARRSH njofton se grupet e punës me mjetet borëpastruese janë në terren dhe kanë bërë pastrimin e rrugëve.
“Drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë”, thuhet në njoftimin e ARRSH-së.
Po ashtu, sipas medieve reshjet e shiut me intensitet të lartë kanë shkaktuar probleme edhe në qarkun e Lezhës, në orët e para të mëngjesit të sotëm.
Në orët e para të mëngjesit në autostradën Milot – Qafë Kashar pranë nënkalimit në Fushë-Mamurras është penguar edhe lëvizja e automjeteve të vogla, pasi niveli i uji arrin në 40 cm, për shkak të bllokimit nga mbetjet në zgarat e kullimit.
Ndërkohë, është ndërhyrë nga punonjësit e bashkisë së Kurbinit për pastrimin e mbetjeve.
Kreu i Partisë Demokratike, Sali Berisha, ka premtuar se gjatë mandatit të tij të parë…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Nisur nga numri i lartë i vendeve turistike që përfshin Malësia e Madhe po tërheq…
Kjo zonë po vuan nga një problem i madh, siç është ndotja nga mbeturinat. Ky…
Shqiptarët kanë edhe një tjetër shkollë në Evropë, ku mund të mësojnë gjuhën, kulturën dhe…
This website uses cookies.