Mungesa e energjisë penalizon biznesin, Shqau: Prej 18 vitesh rrjeti elektrik i dëmtuar në Vukaj

Prej disa vitesh, Nikolin Shqau ka ndërtuar në tokën e të parëve të tij, në fshatin Vukaj të Shllakut, një fermë ku mbarshton rreth 150 krerë lopë.

Fermeri thotë se problemi kryesor që po ndesh gjatë kësaj kohe është energjia elektrike, por edhe infrastruktura.

Energjia është e shkëputur në këtë zonë prej më shumë se 18 vitesh, për shkak të dëmtimit të rrejtit dhe shtyllave, thotë Nikolini.

Në lidhje me këtë problematike, OSHEE bën të ditur se e gjithë zona e Shllakut dhe e Temalit furnizohet çdo ditë me energji elkektrike, por ferma është ndërtuar jashtë zonës ku mbulon rrjeti elektrik . Një gjë të tillë fermeri Shqau e hedh poshtë

Nikolin Shqau shpreson që institucionet të ndërhyjnë sa më parë për zgjidhjen e këtij problemi dhe gjithashtu të mbështeten fermerët dhe banorët e këtyre zonave .