Muzeu Historik i Shkodrës – Atraksioni i spikatur nga turistët dhe nxënësit e shkollave
Në mesin e shumë destinacioneve turistike në qytetin e Shkodrës është edhe muzeu historik, i cili si muze qendror i qytetit është jo vetëm një atraksion turistik, por edhe një vend ku ndërthuret trashëgimia kulturore në disa periudha.
Në 10 mujorin e këtij viti, rrjeti i muzeve të Shkodrës, që përfshin Muzeun Historik, atë të kalasë dhe Dëshmisë e Kujtesës është vizituar nga rreth 30 mijë turistë.
Përgjegjësi i muzeut, Sokol Parmeza, tregon se çfarë ka ndikuar tek turizmi këtë vit që të ketë një interesim kaq të lartë.
E veçanta e godinës së muzeut është se dhomat e saj janë ruajtur në formën e saj origjinale të një banese karakteristike të veriut të Shqipërisë, ku spikat oda e pritjes e mbushur tashmë me objekte të ndryshme historike, sidomos me veshje dhe objekte të artizanatit shkodran.
Muzeu Historik sot është kthyer në një prej destinacioneve kryesore të vendasve por edhe të huajve, që duan të njihen me historinë, traditën dhe kulturën e një qyteti të lashtë si Shkodra e këtë e tregojnë shifrat në rritje të vizitorëve.