Muzeu i Dëshmisë dhe Kujtesës, polakët dhe malazezët zënë numrin më të lartë të atyre që vizitojnë muzeun

Muzeu i  “Dëshmisë dhe Kujtesës” edhe këtë sezon turistik  po tërheq vizitorë të shumtë nga e gjithë bota.

Risi për këtë vit janë turistët polakë dhe nga Mali Zi,  i të cilët, të organizuar në grupe,  po vizitojnë këtë muze.

I veçantë në këtë muze është edhe libri i përshtypjeve, ku turistët shënojnë  shënime rreth përjetimit që i ka lënë ky vend me histori të dhimbshme.

Për të dëshmuar kalvarin e vuajtjeve dhe dhimbjeve, godina është kthyer në një muze, ku vizitorët mund të njihen me fotografitë dhe emrat e të dënuarve nga sistemi komunist në Shkodër, të pushkatuarve apo internuarve.