Nata e dytë e “Tuba Fest”/ Qindra të rinj “pushtuan” kalanë “Rozafa” edhe në këtë mbrëmje

Muret dhe bedenat e kalasë “Rozafa” u pushtuan nga muzika rock edhe në natën e dytë të “TuBa Fest”, një organizim i veçantë, lindur nga iniciativa e disa të rinjve shkodranë dhe jo vetëm për të promovuar sitin e trashëgimisë kulturore përmes artit me pjesëmarrjen e disa nga artistët më në zë nga vendi dhe përtej.
Dy netët e “TuBa Fest” veç spektaklit muzikor në kala, rritën ndjeshëm edhe numrin e rezervimeve në strukturat akomoduese të qytetit, shprehen bashkëorganizatorët.Nata e dytë solli të njëjtën frymë dhe energji si nata e parë që nën ritmet e muzikës dhe artistëve të ftuar ekzaltuan publikun e pranishëm në objektin historik të qytetit.