Një turist spanjoll është shkelur për vdekje nga elefantët në një park kombëtar të Afrikës së Jugut pasi u përpoq të fotografonte tufën. Burri 43-vjeçar u vra të dielën në mëngjes në parkun kombëtar Pilanesberg rreth 210 km në veri-perëndim të Johanesburgut.
Sipas zyrtarëve të parkut, burri, i cili ishte me tre shokë, doli nga automjeti i tij dhe u nis drejt kafshëve për të bërë foto.
“Pavarësisht paralajmërimeve nga bashkëpasagjerët e tij dhe pasagjerët nga dy automjete të tjera që ishin në shikim, ai për fat të keq nuk i vuri veshin paralajmërimeve të tyre”, tha në një deklaratë bordi i parqeve dhe turizmit të provincës Veri-Perëndimore.
Një elefant i rritur sulmoi burrin, i cili më pas iku nga elefanti. Fatkeqësisht, ai nuk mundi t’i shpëtonte ose t’i shmangej elefantit, të cilit tani iu bashkua e gjithë tufa dhe u kap dhe u shkel për vdekje.
Bordi tha se elefantët më pas u larguan pa treguar ndonjë agresion ndaj pasagjerëve të automjeteve. Pieter Nel, shefi i ruajtjes së bordit, i tha Agence France-Presse se matriarku i tufës kishte sulmuar pasi ishte “axhituar” nga afrimi i burrit.
Ai tha se ishte normale që elefantët të përpiqeshin të mbronin të vegjlit e tyre, duke shtuar: “Shumë turistë janë të pavëmendshëm ndaj rreziqeve dhe nuk e kuptojnë se sa të rrezikshme mund të jenë këto kafshë.”
Sulmet e elefantëve nuk janë të rralla në rajon. Në vitin 2021, një gjuetar i dyshuar u vra nga elefantët në parkun kombëtar Kruger. Vitin e kaluar 50 njerëz u vranë dhe 85 u plagosën nga kafshët e egra – kryesisht elefantë – në Zimbabve fqinje, sipas autoriteteve lokale.
Ndarja nga jeta e ish-deputetit demokrat Gerti Bogdani ka bërë bashkë politikën dhe në nderim…
Media franceze “Stars Insider” i ka kushtuar një shkrim bukurive dhe natyrës së Shqipërisë, duke e konsideruar…
Këtë të enjte (19 shtator), Presidentja e Komisionit Evropian Ursula fon der Lajen (Von der…
Sara dhe Naim Payman janë një çift mjaft i njohur në vendin tonë, për shkak…
Më shumë se 300 trupa nga Mbretëria e Bashkuar janë dislokuar në Kosovë, ndërsa misioni…
Të paktën 20 persona janë vrarë dhe më shumë se 450 janë plagosur nga një…
This website uses cookies.