Ndarja e papritur nga jeta e mjekut të Barçës, Laporta: Jemi të tronditur

Një zi e rëndë ka përfshirë Barcelonën ditën e djeshme. Klubi blaugrana humbi mjekun e ekipit Carles Minarro pak para se të luante ndeshjen kundër Osasunës. Duke folur për Barça One, presidenti Joan Laporta tha:

“Do të doja të njoftoja, në emër të Barcelonës, vdekjen e mjekut të ekipit të parë, Carles Minarro. Një njeri shumë i dashur nga të gjithë. Ndodhi sot pasdite gjatë kampit stërvitor të ekipit. Siç mund ta imagjinoni, lojtarët, stafi, trajneri… të gjithë ishin shumë të trishtuar. Kishte trishtim të pamasë.

Një burrë që të gjithë e donim. Ai erdhi në të gjitha ndeshjet jashtë për t’i trajtuar të gjithë, jo vetëm lojtarët. Nuk i tha jo askujt. Një mjek i madh. Ne duhet të qëndrojmë të fortë në këto momente. Gjëja më e mirë ishte të kërkoja shtyrjen e ndeshjes. Ne kontaktuam menjëherë presidentin e La Ligës për të shpjeguar se çfarë ndodhi. Ata e kuptuan shumë mirë këtë dhe filluan të gjitha procedurat për pezullim.

Ne kemi pasur mirëkuptimin maksimal nga Osasuna në personin e presidentit të saj. E kuptuan që në momentin e parë. Ata performuan në mënyrë të mahnitshme. Këtë gjë e kuptuan në mënyrë perfekte edhe arbitrat dhe dua t’i falënderoj për mirëkuptimin. Lajm shumë i dhimbshëm për Barcelonën. Jemi në shok. Ishte diçka e papritur. Lojtarët ishin shumë të impresionuar. Ne iu afruam nënës dhe gruas së tij dhe u dhamë ngushëllim maksimal. Carles ka lënë pas dy fëmijë, Gerard dhe Ana. Ne do t’i mbështesim në gjithçka që ata kanë nevojë”, ka thënë mes të tjerash Laporta.