Ndarja nga familja/ Të rinjtë në BE jetojnë me prindërit mesatarisht deri në moshën 26-vjeçare

Zyra Evropiane e Statistikave, Eurostat, ka publikuar të dhënat për vitin 2022 lidhur me moshën mesatare të të rinjve në vendet e BE-së që vendosin të largohen nga familjet e tyre e të jetojnë në shtëpitë e tyre të reja.

Sipas të dhënave, të rinjtë nga Evropa fillojnë të jetojnë veçmas nga prindërit në një moshë mesatare 26,4 vjeç. Vajzat vendosin të largohen nga shtëpitë më herët sesa djemtë.

Në Evropë, djemtë fillojnë të jetojnë të pavarur në moshën 27,3 vjeç, ndërsa vajzat në moshën 25,4 vjeçe. Finlanda është vendi ku të rinjtë largohen nga shtëpia e familjes në moshën më të hershme midis vendeve të BE-së.

Atje të rinjtë ndahen mesatarisht në moshën 21,3 vjeç. Finlanda pasohet nga Suedia me moshën mesatare 21,4 vjeç, Danimarka me 21,7 vjeç dhe Estonia me 22,7 vjeç, ndërsa të rinjtë në Holandë në moshën 23 vjeç ndërtojnë shtëpitë e tyre, në Francë me 23,4 vjeç dhe në Gjermani me 23,8 vjeç.

Në Kroaci fëmijët i lënë prindërit në moshën më të madhe, mesatarisht 33,4 vjeç, kurse në Sllovaki mesatarja është 30,8 vjeç, në Greqi 30,7 dhe Bullgari e Spanjë 30,3 vjeç.