Ndarja nga jeta e poetit Doçi, Nikolla: Artisti i poezisë do të jetojë në këngët të cilave u dha jetë

Kryetarja e Kuvendit, Lindita Nikolla ka reaguar për ndarjen nga jeta të poetit të njohur, Agim Doçi.

Ndërsa ka shprehur ngushëllimet për lajmin e trishtë, Nikolla deklaron se artisti i poezisë do të jetojë në këngët të cilave u dha jetë.

“Zemra e Agim Doçit, poetit të talentuar, autorit të teksteve të mira këngëve, të qindra këngëve për Kosovën, të dhjetra çmimeve të fituara në festivale, që i këndoi pa pushim jetës, atdheut, lirisë, dashurisë dhe njerëzve, pushoi së rrahuri.

Por artisti i poezisë do të jetojë në këngët, të cilave u dha jetë.

U prehsh në paqe, Mjeshtër!”, shkruan Nikolla në rrjetin social Facebook.

Agim Doçi u nda nga jeta dy ditë pasi ishte shtruar në reanimacion prej hemoragjisë cerebrale.

Mbi lajmin e trishtë të ndarjes nga jeta të poetit dhe mjeshtrit të madh Doçi ka reaguar edhe Lulzim Basha. Ky i fundit shprehet se Doçi ishte shembull i artit që mbart vlera të vërteta artistike dhe kulturore.

“I trishtuar nga lajmi për largimin e parakohshëm nga jeta i poetit të muzikës Agim Doçi!

Një personalitet i apasionuar, një shpirt i pasur dhe një tekstshkrues këngësh brilante, Doçi ishte shembull i artit që mbart vlera të vërteta artistike dhe kulturore.

Ngushëllimet e mia më të sinqerta! Mendimet dhe lutjet për familjen Doçi, të afërmit, miqtë dhe kolegët!

Le të prehet në paqen e merituar”, shkruan Basha.