Ndërron jetë foshnja e braktisur/ Dëshmia e mamasë: Jam e pamartuar. S’doja të merrej vesh nga familja

Foshnja e sapolindur e cila u gjet e braktisur të mërkurën (8 nëntor) në bodrumin e një pallati në Yzberisht, ndërroi jetë ditën e sotme. Mamaja e foshnjës, 30-vjeçarja e cila braktisi fill pas lindjes foshnjen e saj, ka deklaruar para efektivëve të policisë se, arsyeja e veprimit të saj lidhej me faktin se ishte e pamartuar dhe familja nuk kishte dijeni mbi shtatëzëninë.

Ajo është shprehur se nuk ka dashur që shtatzënia e saj të merrej vesjh as nga familjarët, as nga të afërmit dhe as nga opinioni publik.

“Jam e pamartuar dhe nuk kam fëmijë të tjerë. Arsyeja që e fsheha shtatzëninë dhe braktisa bebin, është fakti se nuk doja që të merret vesh nga familjarët e mi, por edhe opinioni. Jam e pamartuar, nuk dua të flas për babain e foshnjes“, ka deklaruar 30-vjeçarja.

Ngjarja e rëndë tronditi opinionin publik, kur në media u pasqyrua lajmi se foshnja u gjet e braktisur në një bodrum pallati, nga një banor i zonës.

Mbi ngjarjen e rëndë reagoi më herët dhe Ministri i Brendshëm Taulant Balla i cili bëri me dije lajmin e trishtë të ndarjes nga jeta të foshnjes, duke theksuar se kjo ngjarje, kërkon reflektim dhe ndërmarrje të masave konkrete.