Ndeshje Rugby në Shkodër, Kombëtaret e Shqipërisë  dhe Malit të  Zi ndeshen në “ Reshit Rusi”

Ekipi i regbisë së Shqipërisë ka zhvilluar  ndeshjen  ndërkombëtare me Malin e Zi  , organizuar nga Federata Botërore e këtij sporti. Ndeshja e luajtur në stadiumin “Reshit Rusi ” të Shkodrës përfundoi  me fitoren e ekipit  fqinj, me rezultatin 10-34, pas një loje të fortë nga të dy ekipet.

Presidenti i Federatës Shqiptare të regbisë,  Xhino Drangu, shprehet se pavarësisht se është një sport i ri, Shqipëria sa vjen e po përmirësohet.

 Për trajnerin  e ekipit , nuk kishte rëndësi rezultati ,pasi ekipi është në fazën e ndërtimit, ndërkohë që synohet dhe  shtrirja e  këtij sporti tek brezat e rinj.

Sporti  regbi e ka  zanafillën që në vitin 1823, kur  lindi aksidentalisht nga një ndeshje futbolli në Angli. Ky sport filloi të praktikohej disa vite më parë  me krijimin e klubit të parë  Tirana Rugby Club, ndërsa këtë vit mori udhë dhe Kombëtarja regbi e Shqipërisë.