Ndihmës Sekretari amerikan për Çështjet e Narkotikëve viziton Tiranën, takohet me Ramën
Ndihmës Sekretari amerikan për Byronë Ndërkombëtare të Narkotikëve, Todd D. Robinson do të zhvillojë një vizitë zyrtare në Shqipëri dhe Kosovë.
Më datat 18-20 mars, Robinson do të vizitojë Tiranën bën me dije Departamenti Amerikan i Shtetit.
Pjesë e agjendës së tij do të jetë edhe takimi me kryeministrin Edi Rama dhe partnerët që po mbështesin punën e Shqipërisë për forcimin e sundimit të ligjit, luftimin e korrupsionit dhe krimit të organizuar dhe ndërtimi i institucioneve të forta.
Gjithashtu në datat 20-22 mars, Ndihmës Sekretari Robinson do të udhëtojë në Prishtinë, Kosovë, ku do të takohet me Presidenten e Kosovës Vjosa Osmani dhe me partnerët në sektorin e zbatimit të ligjit dhe drejtësisë.
SHBA është një mbështetëse e fortë e reformën në drejtësi në vendin tonë dhe një nga partnerët që ka kontribuar në mënyra të ndryshime lidhur me forcimin e ligjit dhe shtetit të së drejtës në Shqipëri.