Ndryshime në qeverinë e Albin Kurtit, ministri i Mbrojtjes pritet të zëvendësohe…
Ndryshime ne qeverine e Albin Kurtit ministri i Mbrojtjes pritet
Ndryshime në qeverinë e Albin Kurtit, ministri i Mbrojtjes pritet të zëvendësohet nga koloneli i Forcës së Sigurisë së Kosovës
Kabineti qeveritar i Albin Kurtit pritet të pësojë ndryshime. Armend Mehaj, i cili deri më tani mban postin e ministrit të Mbrojtjes, pritet të zëvendësohet nga koloneli i Forcës së Sigurisë së Kosovës, Ejup Maqedonci.
Sipas asaj që transmeton RTK, ministri Mehaj nuk dihet nëse do të transferohet në ndonjë pozitë në institucionet e Kosovës.
Kjo lëvizje në qeverinë e Albin Kurtit vjen në një kohë kur situata në veri të Kosovës mbetet ende e pazgjidhur, megjithëse kryeministri ka bërë të ditur reduktimin e forcave policore nga veriu.
Ndërkaq, Bashkimi Evropian dhe Shtetet e Bashkuara të Amerikës ka bërë thirrje për uljen e tensioneve dhe rifillimin e dialogut mes Prishtinës dhe Beogradit, si dhe zbatimin e marrëveshjes së Ohrit.
