Ish-presidenti amerikan, Donald Trump është dorëzuar të enjten (24 gusht) në burgun e Qarkut Fulton pas akuzave për tentativën e përmbysjes së rezultatit të zgjedhjeve në shtetin Georgia (Xhorxha) në 2020-ën.
Pas qëndrimit 20 minuta në burg dhe fotografimit si i dyshuar, ish-presidenti pagoi një garanci prej 200 mijë dollarë për t’u liruar.
Teksa po kthehej në aeroport për të lënë kryeqytetin Atlanta, në një prononcim për mediet, Trump e konsideroi qëndrimin e tij në burg si një përvojë të tmerrshme dhe trishtuese.
“Ajo që ka ndodhur këtu është një padrejtësi e drejtësisë. Nuk bëmë asgjë të keqe. Nuk kam bërë asgjë të keqe dhe të gjithë e dinë këtë. Nuk kam pasur kurrë një mbështetje të tillë. Ajo që ata po bëjnë është ndërhyrje në zgjedhje. Në gjithë jetën time nuk kam ditur asgjë për aktakuzat dhe tani jam paditur katër herë,” tha Trump.
Në prill, Trump u arrestua në Nju-Jork për akuza shtetërore në lidhje me një skemë të parave të heshtura. Në qershor, ai u dorëzua në një gjykatë federale në Majami për t’u përballur me akuzat në hetimin e prokurorit special Jack Smith për keqpërdorimin e dokumenteve të klasifikuara. Dhe në fillim të këtij muaji, Trump u arrestua në Uashington, DC dhe u akuzua për akuzat e ngritura nga Smith në hetimin e tij në përpjekjet për të përmbysur zgjedhjet e vitit 2020.
Prokurorja e Qarkut Fulton, Fani Willis, kërkoi një datë gjyqi më 23 tetor në çështjen e përmbysjes së zgjedhjeve që ajo ka ngritur kundër Trump dhe 18 aleatëve të tij.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.