Në gjurmët e At Gjergj Fishtës/ Nis projekti “Itenerari Fishtian”, nga Lezha dhe përfundon në Shkodër

Një qendër multifunksionale që do ti dedikohet tërësisht poetit mbarëkombëtar “At Gjergj Fishta” do të jetë gati brenda muajit dhjetor të këtij viti.Objekti po ndërtohet mbi rrënojat e banesës ku ka lindur poeti në Fishtë të Lezhës, ndërsa investimi i financuar nga Qeveria Shqiptare përmes fondit Shqiptar të Zhvillimit është pjesë e projektit të “Intenerarit Fishtian”, që nis nga Lezha dhe përfundon në Shkodër.Drejtuesi i punimeve Alfred Gjoni jep detaje rreth këtij investimi që sipas tij do të jetë një atraksion mjaft i rëndësishëm kushtuar figurës së “At Gjergj Fishtës.Itinerari fishtjan përfshin vendet ku ka jetuar dhe shërbyer “At Gjergj Fishta” dhe kjo shihet si mënyra më e mirë për prezantimin e kësaj figure me vlera mbarëkombëtare. Investimi që po realizohet në Fishtë kap vlerën e 93 milion lekëve të reja dhe do të përfundojë brenda këtij viti.