Në kërkim nga Zvricra/ Tentoi të hynte në Shqipëri, kapet në Morinë 56-vjeçari nga Kosova

Policia kufitare e Morinës ka arrestuar 56-vjeçarin nga Kosova, të shpallur në kërkim ndërkombëtar nga autoritetet e Zvicrës.

56-vjeçari, tentoi të hynte në Shqipëri, gjatë verifikimeve dhe intervistimit në vijë të dytë, rezultoi se ishte shpallur në kërkim ndërkombëtar nga Interpol Berni, pasi autoritetet gjyqësore të Zvicrës i kanë caktuar masën e sigurisë “Arrest në burg”, për veprat penale “Mashtrimi”, “Falsifikimi i dokumenteve të udhëtimit” dhe “Pastrimi i parave”, sipas parashikimeve të legjislacionit penal të Zvicrës.

Interpol Tirana, në bashkëpunim me homologët në Zvicër, vijon procedurat për ekstradimin e 56-vjeçarit.

“Në këtë kuadër, në bashkëpunim me shërbimet e Drejtorisë Vendore të Policisë Kukës dhe si rezultat i shkëmbimit të informacioneve ndërmjet Interpol Tiranës dhe Interpol Bernit, u ndalua dhe u vu në pranga, me qëllim ekstradimin drejt Zvicrës, shtetasi kosovar, i kërkuar ndërkombëtarisht M. T., 56 vjeç, rezident në Tiranë”, njofton Policia.