Në kërkim për trafik droge nga Italia, arrestohet në Laç 41-vjeçari
Një 41-vjeçar është arrestuar në Laç, pasi ishte shpallur në kërkim ndërkombëtar nga autoritete italiane për trafik droge dhe vjedhje me dhunë.
Armand Mera, 41 vjeç, u arrestua në fshatin Gjormë gjatë operacionit të koduar “Operacionalja 20”, me qëllim ekstradimin e tij në Itali.
Gjykata e Apelit e Firences i ka caktuar masën e sigurisë “Arrest në burg”, për veprat penale “Organizata kriminale”, “Trafikimi i narkotikëve” dhe “Vjedhja me dhunë”, të parashikuara nga Kodi Penal i Italisë.
Vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali.
