Në radhë për shpërblimin e fundvitit / Në Lezhë vetëm një pikë shpërndarëse për të gjithë qytetin

Këto janë pamjet e zyrës postare të shpërndarjes së pensioneve në Lezhë në këto ditë dhjetori. Dyndja e pensionisteve për të tërhequr shpërblimin e fundvitit të akorduar nga Qeveria Shqiptare ka krijuar radhe dhe pritje të gjata në sportele.
Kjo situatë përsëritet shpesh- herë, pasi për të gjithë qytetin e Lezhës ka vetëm një pikë shpërndarje për pensionet.Të moshuarit kërkojnë zgjidhje, pasi pritjet e gjata në të ftohtë janë kthyer në shqetësim për ta.
Ndërsa sa i përket shpërblimit të fundvitit, pensionistët thonë se është i pamjaftueshem, pasi çmimet janë rritur.
Shpëndarja e shpërblimit të fundvitit po bëhet përmes një grafiku të përcaktuar nga Filiali i Postës Shqiptare në Lezhë, ndërsa ju kërkohet pensionistëve që të respktojnë rregullat e përcaktuara për të shmangur kaosin që mund të krijohet.