Në spital prej 10 ditësh, Vatikani: Gjendja shëndetësore e Papa Françeskut mbetet kritike

Vijon të mbetet kritike gjendja shëndetësore e Papa Françeskut. Vatikani ka bërë me dije se nga mbrëmja e djeshme Ati i Shenjtë nuk ka paraqitur më kriza respiratorë, por shton se gjendja e tij mbetet kritike.

Sipas njoftimit të dhënë nga Vatikani, Papa Francesku ka kryer transfuzion gjaku për shkak të rënies së hemoglobinës.  

“Françesku është vigjilent, oksigjeni vazhdon të administrohet, vlerat e gjakut përmirësohen falë transfuzioneve, ka insuficiencë renale fillestare dhe të lehtë, sot ka marrë pjesë në Meshë. Nga faqen @Pontifex falënderon për shfaqjet e dashurisë dhe afërsisë, duke thënë se i lanë përshtypje vizatimet dhe letrat e fëmijëve. Shumë prej tyre u dërguan nga nxënës të shkollave italiane. Mesha dhe Rruzare në çdo dioqezë.

Gjendja e Atit të Shenjtë mbetet kritike; megjithatë, që nga mbrëmja e djeshme ai nuk ka paraqitur më kriza respiratore. Dy njësitë e qelizave të kuqe të gjakut i ka kryer me përfitim dhe me kthim të vlerës së hemoglobinës. Trombocitopenia është e qëndrueshme; megjithatë, disa analiza gjaku tregojnë një insuficiencë renale fillestare, të lehtë, aktualisht nën kontroll.

Terapia me oksigjen vazhdon me rrjedhje të larta nëpër kanulat e hundës. Ati i Shenjtë vazhdon të jetë vigjilent dhe i orientuar mirë””, thuhet në njoftim.

Papa Francesku ndodhet prej 10 ditësh i shtruar në spitalin Gemelli. Ditën e parë të shtrimit të tij, Papa u paraqit në spital me bronkit dhe për këtë arsye vendosi të pezullonte përkohësisht takimet e tij zyrtare në bibliotekën e Vatikanit.