Ministri i Brendshëm Taulant Balla ka deklaruar se Policia ka dyshime të forta se dhuna në familje, presioni psikologjik kanë shtyrë 39-vjeçaren të vetëmbytet së bashku me 3 fëmijët e saj.
“Njësia e specializuar e RENEA, Forca Kombëtare e Sigurisë Publike, njësi të Policisë së Malit të Zi dhe peshkatarët e zonës janë duke vijuar kërkimin e përgjatë gjithë rrjedhës së lumit Buna, ku dyshohet të jetë vetëmbytur një nënë dhe fëmijët e saj.
Siç kemi bërë edhe dje me dije. Policia e Shtetit ka ndaluar bashkëshortin dhe ka dyshime të forta se dhuna në familje, presioni psikologjik kanë shtyrë viktimën drejt këtij akti tragjik”, u shpreh Balla për mediat.
Ai ka përsëritur apelin ndaj grave dhe vajzave që të denoncojnë çfarëdolloj dhune në familje.
“Gjej rastin t’i bëj thirrje çdo gruaje të denoncojë çdo lloj forme dhune. Dhuna shpesh manifestohet në shtëpi, mbrapa dyerve të mbyllura, por kjo është një temë që duhet bërë publike.
Dhuna ndaj grave nuk është një çështje private. Ajo na intereson të gjithëve. Dhe ne, e gjithë shoqëria, duhet t’i nxisim viktimat e dhunës ta denoncojnë.
Nuk mund të ketë #AsnjëJustifikim ndaj dhunës – as në shtëpi, as në vendin e punës, as në jetën publike, as online. Askund!”, ka theksuar më tej Balla.
Deputetët e përjashtuar të Partisë Demokratike janë shfaqur para dyerve të Kuvendit për të tentuar…
Parlamenti shqiptar mblidhet të enjten për të diskutuar mbi disa projektligje të rëndësishme, por opozita…
Një bombë amerikane e pashpërthyer nga Lufta e Dytë Botërore, e cila ndodhej poshtë një…
Të paktën tetë persona janë vrarë nga sulmet izraelite në qendrën mjekësore në Bejrut, ndërsa shtatë të…
Dashi Kalojeni kohën e lirë duke ndjekur hobi ose duke bërë gjëra që ju pëlqejnë…
Shërbimi Meteorologjik Ushtarak bëri të ditur se ditën e enjte vendi ynë do të vijojë…
This website uses cookies.