Kryeministri Edi Rama ka publikuar në rrjetin social Facebook një përmbledhje të momenteve para dhe në prapaskenë të vizitës së djeshme (15 shkurt) të sekretarit amerikan të Shtetit, Antoni Blinken (Antony) në Tiranë.
Nga momenti i mbërritjes, te shtrëngimi i duarve mes tyre, vizitën në Kryeministri, takimit dhe konferencës që mbajtën së bashku, shkëmbimi i dhuratave e batutave, kreu i qeverisë shqiptare ka zgjedhur t’i pasqyrojë të gjithë në një video të përmbledhur në rrjetin social.
Ajo që ra në sy në vizitën e partë në Shqipëri të sekretarit Blinken ishte shmangia e takimeve me opozitën shqiptare. Kryediplomati amerikan deklaroi para mediave se mori mjaftueshëm nga takimet e tjera që zhvilloi dje.
Kujtojmë se Blinken u prit në aeroport nga Ministri i Jashtëm, Igli Hasani dhe ish-ambasadorja amerikane, njëherësh kryezëvendësasistente e Sekretarit amerikan për Europën dhe Eurazinë, Juri Kim (Yuri).
Më pas, Blinken takoi stafin e familjarë të tyre në ambasadën amerikane në Tiranë, për të vijuar më pas me takimin e emigrantëve afganë të strehuar në vendin tonë. Ai u prit në Presidencë nga kreu i shtetit Bajram Begaj, më pas u takua me kreun e SPAK Altin Dumani, kyebashkiakun Erion Veliaj e me Kryeministrin Edi Rama.
Me këtë të fundit zhvilloi edhe një konferencë të përbashkët për mediat ku u adresuan mesazhe të rëndësishme për rolin e Shqipërisë në NATO dhe mbështetjen e SHBA-së të Shqipërisë dhe Kosovës në rajonin e Ballkanit Perëndimor. Gjithashtu, në konferencën për mediat Blinken nënvizoi rolin e fortë të Shqipërisë dhe personalisht të kryeministrit Rama në mbështetje të Ukrainës.
Në përfundim të vizitës së tij njëditore në Shqipëri, sekretari i Shtetit u përcoll në aeroport nga ministri i Jashtëm, për të vijuar me vizitën e tij në Gjermani.
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.