Nga pushimet në plazhet e Shqipërisë drejt Euro 2024, Gjermania grumbullon Emre Can
Nga pushimet në plazhet e jugut të Shqipërisë drejt Euro 2024. Emre Can, që vetëm pak ditë më parë bashkë me Karim Adeyemi postuan disa foto nga pushimet në Shqipëri, është grumbulluar nga trajneri i Gjermanisë Julian Nagelsmann për të zëvendësuar Aleksandar Pavlović.
Mesfushori i Bayernit të Mynihut, Aleksandar Pavlović do të humbasë Euro 2024. Sipas BILD, Pavlović vuan nga një infeksion në bajame që do ta pengojnë atë të marrë pjesë në kompeticionin më të rëndësishëm kontinental. Në vend të tij, Julian Nagelsmann ka vendosur të thërrasë Emre Can.
